معلومات عن محلول الجفاف 
درجة حرارة الماء عند تجهيزه :
مبيتعملش بماء ساقع لازم ماء فاتر عشان يسهل امتصاصه ، بلاش مياه ساقعه.
نوع الماء :
الماء حتى لو معدنية او من فلتر اغليها وسيبيها تبرد وممكن تغلي كمية وتحطيها ف اناء مغلق في الثلاجة بعد ما تبرد ،، الماء المعدنية في مصر بقت سيئة ومش مضمونة.
استخداماته:
يستخدم في حالات النزلات المعوية لمنع الجفاف.في حالات الجفاف البسيطة والمتوسطة.في الحر الشديد أفضل سائل لتعويض الجسم.
جرعاته:
جرعة محلول الجفاف التعويضية للاسهال والترجيع لمنع الجفاف:كيس بيحل على ٢٠٠ سم (تقريبا كوب شاي) ماء ويعطى ١٠ سم لكل كيلو بعد كل مرة اسهال وترجيع ببطء (معلقه كل دقيقتين او ٥ سم كل ٣ دقايق) لحد ما تخلصي الكمية.
الجرعة التعويضية للجفاف المتوسط deficit therapy:
٧٥ سم لكل كجم على مدار ٤ ساعات.
وبعدها بنقيم الطفل لو في جفاف متوسط بنعيدها تاني لو اتحسن خلاص يروح على الجرعات التعويضية في رقم
أنواعه:
محلول الجفاف في منه جاهز في علب زي العصير طعمها افضل زي Pedialyte و Flexolyte و Alexolyte بس ارجوك متدهوش وهو ساقع.. وكمان في عناصر أكثر من الأكياس .. بس عيبه انه غالي.في أكياس افضلها Hydrosafe و ORS... لانها منخفضة الصوديوم.في أكياس Rehydro zinc زي الاكياس العادية ومضاف لها زنك.
في ملحوظة للاطباء في تركيبة اسمها ReSoMal
Rehydration Solution for Malnutrition
ده بنعمله مخصوص لحالات سوء التغذية الحاد سواء marasmusاو KWO
ودي بنحل الكيس في ٤٠٠ سم ماء و نضيف ٨ سم من أمبول بوتاسيوم كلوريد ١٥٪ و ١٠ جرام سكر.لما نيجي نمشي الطفل ده على maintainance بعد ما تصلح الجفاف.. يفضل تمشيه على ريزومال بالرايل مش محاايل وريدية عشان قلبه ضعيف بسبب سوء التغذية ... الجرعه 10 سم /كجم/الساعه على مدار ساعه ونريحه ساعه و هكذا.
هل في سن معين او نوع جفاف معين لمحلول الجفاف؟
ينفع في كل الاعمار وكمان كل انواع الجفاف.
امتى اقول ان الطفل ده مينفعش معاه محلول الجفاف بالفم ولازم محاليل وريدية:
لو الاسهال متكرر وكميته اكتر من كمية التعويض اكيد هيدخل ف جفاف. تحديدا لو بيسهل اكتر من ١٠ سم /كجم/الساعه.
لو في جفاف شديدلو في قيء مستمر .. خد حقن ترجيع و استنى بعدها ورجع تاني.لو في فقدان للوعي او shockلو في paralytic ileusلو في عدم امتصاص للجلوكوز glucose malabsorption
صلاحيته:
بعد حله ساعه خارج الثلاجة و 24 ساعه اذا تم حفظ المتبقي بالثلاجة
العنوان بنها عزبة البرنس بجوار المسجد الكبيرمن ٣ ل ٨ يوميا
إرسال تعليق