لنزلات المعوية الڤيروسية بدأت تنتشراليومين دول .. ونسبة كبيرة بسبب ڤيروس الروتا أو ڤيروسات أخرى زي الكوڤيد و ال Adeno...
لحد سنه ٢٠١٦ كان الاحصائيات بتقول انه الجفاف كان ثالث سبب للوفيات في الاطفال بعد الالتهاب الرئوي بسبب بكتريا المكورات الرئوية حوالي ٣٧٠ الف طفل و الملاريا ٥١٧ الف وفاة و الجفاف ١٣٠ الف وفاة سنويا.
في الدول اللي مفهاش تطعيم الروتا اجباري بيوصل نسبة الاطفال اللي عندها روتا من بين كل حالات النزلات المعوية من ٤٠ ل ٨٠٪ ... والرقم ده بدأ يقل كثير جدا في الدول اللي دخل تطعيم الروتا فيها اجباري ونزلت ل ٧٪ بس في دول زي كندا وده بيوضح اهمية التطعيمات عامة وانه كلام العامة عن انها سبوبة كلام لا اساس له من الصحة و الدليل الحمد لله شبه انتهاء الكورونا سنة ٢٠٢٢ وان البلاد كلها فتحت.
سريعا كدة حابب اعرفكم مبدأيا انه الطوارئ بالنسبة لكل أم يبقى عندك سيتال و محلول جفاف و حقن ترجيع في البيت لوقت الطوارئ عشان مندخلش في جفاف.
الأعراض:*اسهال شديد ، ماء اصفر او اخضر ، سائل جدا ومتكرر.
*قيء وغالبا بيسبق الاسهال بس مش دايما.
*حرارة بسيطة غالبا او عالية جدا نادرا .
المضاعفات .. الجفاف .. علامات الجفاف.. عين دخلت لجوة ، لهفة على المياه و الرضاعه ، عياط مستمر ، لسانه ناشف ، حمام البول قل .
في مضاعفات أخرى : زي تسمم الدم لو بكتريا مسببة ، تشنجات ، انسداد معوي وغيرهم.
أساسيات العلاج الزنك و محلول الجفاف وايقاف الترجيع و الرضاعه و التغذية و الباقي كله مساعد في العلاج.الوصايا العشرة للقضاء على الروتا ڤيروس:
ممنوع 
إعطاء مضادات حيوية الا بامر الطبيب ولما نقول مضادات يبقى لازم احلف ان المترونيدازول زي فلاجيل و امريزول و فلاجيلات فورت ده نوع مضاد حيوي و حرام تديه لطفلك بدون تحليل يظهر انه عنده اميبا او انواع تحتاجه في العلاج.المضادات الحيوية لحالات نزلات معوية اللي غالبا سببها ڤيروسي زي الروتا ڤيروس ملهمش لازمة .. تكلفة ع الاهل وتكلفة على الطفل المريض .. بندمرله البكتريا النافعة اللي جوة الجهاز الهضمي و بالتالي الاسهال بيزيد . ده غير انه المضادات الحيوية من آثارها الجانبية اسهال.كمان ثبت حديثا سنه ٢٠٢٢ ارتباط المترونيدازول و مضادات حيوية أخرى بحالات سرطان حفظكم اللهالمضادات الحيوية مبنديهاش في النزلات المعوية الا في حالات خاصة:
دوسنتاريا بكتيرية (مخاط ودم وحزق أثناء التبرز) مع حرارة عالية وثبت بالتحليل انها بكتريا.وجود عدوى أخرى تستدعي العلاج بمضاد حيوي زي صديد ف البول او ع اللوز او التهابات بالاذن الوسطى.حالات النزلات المعوية للمسافرين Traveller's diarrhea
التغذية 
مهمة جدا جدا في العلاج:
ممنوع إعطاء السڤن و المشروبات الغازية(نسبة صوديوم عالية تدخل الطفل في تشنجات لا قدر الله) واي ماكولات من خارج المنزل.
التغذية أثناء النزلات المعوية:
الرضيع قبل ٦ شهور: يرضع اللبن اللي ماشي عليه سواء طبيعي او صناعي ومتسمعيش للخرافات اللي بتقولك وقفي الرضاعه دول هيموتو ابنك بجهلهم.بعد ٦ شهور او الطفل اللي بدأ ياكل:ماء رز ، دقيق رز ، ماء بليلة ، زبادي ، فاكهة( موز أخضر و جوافه كويسين جدا لتعويض البوتاسيوم و تفاح سواء فاكهة مهروسة او عصير فريش) ، مهلبية بنشا او جزر مع لبن قليل ، ريري ، سريلاك رز او قمح يفضل بدون لبن ، شوربة خضار ( جزر و بطاطس وبطاطا ..بلاش الكوسة عشان ملينه).
محلول الجفاف 
ده أهم حاجة في العلاج
ابنك يسهل تديله محلول معالجة جفاف
*يرجع تديله محلول معالجة الجفاف ... بعد كل مرة تديله عشان تعوضي اللي فقده وميدخلش في جفاف ... الكيس يتحل في 200 سم (كوب) ماء فاتر ونديله ١٠ سم لكل كيلو بعد كل مرة اسهال او ترجيع ببطء ...
( ١ سم كل دقيقة مثلا او معلقه صغيرة كل دقيقتين).
*البدايل محلول جفاف جاهز علب pedialyte.. العلبة ٢٠٠ سم.
المطهرات المعوية الأكثر استخداما هي" مادة نيتازوكسنيد Nitazoxanide"لانه الاشهر الروتا ولانه بيشتغل ع الروتا فهو الأفضل
وغير الروتا كمان بيغطي اميبا او جيارديا او كربتوسبورديم يبقى الافضل مادة Nitazoxanide
زيكريبتوبيرو نتازود و نانازوكسيد و كريبتوناز و اجي جستريز و انتي ديازوكس ونت كلين و تراستنال ... كلهم واحد وكلهم عبوات ٦٠ ملي ، تراستنال بس اللي ١٠٠ ملي
السن المناسب:يفضل بعد سن 6 شهور
الجرعة: 10 مجم لكل كجم كل 12 ساعه لمدة 3 ايام.
او بالتقريب
لو من 6 شهور لسنه .. 3 سم كل 12 ساعه.لو من سنه ل 4 سنوات .. 5 سم كل 12 ساعة.لو اكبر .. 10 سم كل 12 ساعه.
الرضاعة :لو بترضعي طبيعي او صناعي رضعي متوقفيش ... مفيش حاجة اسمها نوقف لبن الام وندي لبن خالي اللاكتوز LF الا لما يحصل عدم تحمل لاكتوز ثانوي وده بنفكر فيه لما الاسهال يطول عن اسبوع .
ممكن تدي ال FL لو بترضعي صناعي لمدة اسبوعين لشهر فقط . و الافضل تدي انزيم اللاكتيز موجود في قطرات Easy col ....الجرعه نقطة لكل كيلو مع الرضعة الطبيعي او نقطة لكل ٢٠ سم لبن صناعي.
الزنك 
ده تاني أهم علاج بعد المحلول:
دوره مهم جدا جدا جدا في تقليل الاسهال عددا وكمية ومدة.الجرعة: لمدة 10 ل 14 يوم .. قبل 6 شهور بندي 10 مجم وبعدها 20 مجم في اليوم
أمثلة: عندك سلفوڤيروز 20 و سلفوزنك 10 و 20 و زنكوريا وزنك اورجين 10 .. افضلهم طعما سلفوفيروز و زنك اورجين.لو الطفل مش قادر على الطعم وبيرجعه في عندنا اكياس فيها زنك و اضافات زي لاكتوفرين او بريبوتك وبروبيوتك ودي أنا بفضلها بصراحة وممكن تتحط على ماء ١٠ سم او عصير او زبادي ... ودول كتير جدا أشهرهم : Tinorin , Proli , Unipro , Topro , Bovix.
علاج الترجيع: 
الكورتبلكس بلح وتأثيره ضعيف. البرمبران و الموتيليم ممنوعين قبل ١٢ سنه.. الا باشراف طبي وجرعات بواسطة الطبيبللحجز والاستعلام
يرجي التواصل هاتفيا علي الرقم 01112685037
العنوان بنها عزبة البرنس بجوار المسجد الكبير
إرسال تعليق