هنتكلم النهاردة عن البراز الأخضر عند الرضع
موضوع مقرف أنا آسف 
... بس لازم أوضحه عشان بتحصل مهازل من وراه
... بس لازم أوضحه عشان بتحصل مهازل من وراه لو بترضعي طبيعي و إبنك بيرضع كويس و وزنه بيزيد و لقيتي البراز بتاعه لونه أخضر و فيه مخاط
تحطِّي إبنك على الثدي الواحد مش أقل من ١٠ دقائق.....ليييييييه؟؟
لإن في نسبة كبيرة من الأطفال اللي عندهم الموضوع دا إتضح إن السبب الرَّئيسي إنهم بيرضعوا فترة قصيرة من ثدي الأُم .....أو الأُم بتبدل بسرعة من ثدي ل ثدي ف بيرضعوا اللبن الخفيف اللي في الأول اللي اسمه اللبن الأمامي و اللي مليان لاكتوز و بيفضل في المعدة ويتخمر ويعمل اللون الأخضر الغامق و المخاط دا ..... بس لما مدة الرضاعة زادت والأطفال بقوا بياخدوا اللبن الغني بالدهون و بيزود الوزن و بيشبَّع اللي إسمه اللبن الخلفي بدأ الموضوع يقل لإن الدهون اللي في اللبن دا بتسهل الهضم و مش بتخلي حاجه تتراكم في البطن وبيرجع البراز ل لونه الطبيعي
كمان لو زودتي فترة الرضاعة من صدر واحد هتتغلبي على مشاكل كتير تانية لإن اللبن الخلفي بيشبع و تقيل ف هيخليه يرضع وينام فترة كويسة و مش هايعيط طول الوقت ويفضل عايز يرضع كل شوية ....كمان مرات الترجيع هتقل ....و هترتاحي من التهابات الحفاضة اللي كل شوية تيجي بسبب اللاكتوز المتخمر الحمضي اللي بينزل مع البراز
طيب امتي إمتى نقلق ؟
لو زادت عدد المرات و أصبحت أكثر سيولة مع قيئ او حرارة ....لإن دا ممكن يكون نزلة معوية. لو كان مع النوع ده من البراز ضعف عام او الطفل مش بيزيد في الوزن لو فيه قيئ او إكزيما أو التهابات في منطقة الحفاضة و الجلد عامةً لو فيه ضيق في التنفس او التهابات متكررة في الجهاز التنفسي و نزول دم مع البراز .... لإن دا من علامات حساسية الألبان
إرسال تعليق